الخطوة الاولى منحط المكونات كلها مع بعض بصحن غميق ما عدا الفروج والبطاطا بعد خلط المكونات مندوقها ومنظبط الطعمات

وبعد مانغسل الفروج منضيفه لصحن التبلة ومنتبله منيح ومندخل التبلة لتحت الجلد منترك الفروج بقلب التبلة ومنحطهن بالبراد ساعة ليتشبع بالنكهات شوي

بعد هيك منكون قطعنا البطاطا شرايح منطلع الصحن من البراد ومنطلع قطع الفروج منو ومنضيف البطاطا منتبلها وبصينيه الفرن منحط البطاطا وعليها الفروج والي بيتبقى من التبلة على الوجه

كتير مهم نغطي الصينية بالسلفان (بالقصدير) لحتى يستوي الفروج اسرع ممكن تاخد ساعة او اكتر شوي بالفرن وقبل ما نطلعها بعشر دقايق منشيل السلفان ومنحمر الوجه. والف صحة وهنا