نجيب طبق ونضيف الدقيق والملح. ونختبر الخميره في ربع كبايه مياه دافيه ومعلقه سكر. ونقلبهم ونسيبهم خمس دقائق. لو عليت, تبقى تمام. نضيفها على الدقيق ونقلب.

نضيف الزيت والمياه الدافيه, سنه سنه. ونعجن ولو لزقت جامد في الايد, نحط كمان نقطه زيت, لحد ماتبقى عجينه ملساء.

نسيبها ترتاح ساعه, في مكان دافي.

نجيبها ونقسمها نصفين. ونفردها في صينيه مدهونه زيت.

الطماطم ومعلقه الصلصه والملح والفلفل والكمون. نحطها في طاسه فيها زيت ونسيبهم يتسبكو على النار, بس ماتنشفش.

والفراخ نقطعها صغير ونشوحها كويس على النار معاها نص ملعقة صغيره من صلصه البيتزا.

نفرد كله على العجين, المكونات كلها مع الاجبان و الزيتون. ندخلها في فرن ساخن من قبل على درجه 220, عشرين دقيقه بالظبط. نولع الشوايه تأخذ لون. وبألف هنا.