تقطع البطاطا دوائر وتقلى، يقطع البسباس ويقلى مع قليل من الملح وتحطيهم جانبا

توجدي لاصوص بلانش تديري في قدرة شوية زيت قطع دجاج انا درت اسكالوب مقطع مكعبات ممكن تديري قطع دجاج ومن بعد تفتيهم مع بصل مقطع وتقلي، ثم تضيفي ملح فلفل اسود معدنوس (بقدونس) تقلي شوي وتمرقي وتخليها تطيب اي تستوي،

بعد ما تطيب لاصوص تنحي الجاج بجهة تجيبي قدرة ماشي كبيرة بزاف وتبداي تستفي البطاطا تديري النص فقط وتزيدي طبقة بسباس النص فقط ومن بعد تحطي الدجاج كامل وزيتون اسود تحبي تنحي النواة تحبي تحطي الحبو كاملة حبات فقط يعطي بنة رووووعة😋😋👍 انا درت زيتون اخضر ما كانش عندي الاسود ومن تزيدي طبقة بسباس ومن ثمة البطاطا كطبقة اخيرة، تصبي المرق حتى تتغطا المكونات وتحطيها على النار تغلي حتى تتشرب هذيك لاصوص ماشي كاملة تبقى شوي بأه ما تجيش ناشفة من بعد كسري البيض تديريه من فوق مع شوي معدنوس وبالصحة والراحة😋😋