نخفق أولا بياض البيض مع رشة ملح جيداً حتى يصبح مثل الثلج ونضيف السكر تدريجيا مع الخفق ونواصل الخفق ل2 دقيقة ثم نضيف باقي المواد (الفاني والنواد كوكو والسكر رطب)ونخلط بملعقة

نقسموه إلى جزئين نصف نديروه كروكي المقصوص نصف نديروه صب الرشاش ونأخذ كمية صغيرة من العجين نضيف لها 2ملاعق كبيرة فرينة (طحين او دقيق) حتى تتماسك اكثر ونتركها جانبا حتى نبرشوها على الحلوى

ثم نحطو العجين في بلاطو على شكل حربوش وندهنوه أولا بالصفار ثم البياض ونزين خطوط بالشوكة ويمكن أيضا رشه باللوز ايفيلي وندخلوها للفرن سخون من قبل على درجة حرارة هادئة حتى يطيب، اي يستوي ويتماسك المرانغ نقصوه إلى قطع ونرجعوه للفرن حتى يحمر ثم نخليوه يبرد ونرش عليه الكاكاو

والآن نروحو للعجينة الثانية نحطو العجين في بلاطو وندهنوه بالمعجون ونزيدو طبقة المرانغ

ثم نأخذ العجين للي احتفظنا به نبرشوه فوق المرانغ وندخلوه للفرن على نار هادئة وطبعا الفرن لازم يكون سخوون من قبل ونتركه حتى يطي ويحمر نخرجوه بعدما يرتاح نرش عليه سكر رطب ونقطعه مربعات