أول شي بنحط الماء المغلية بطنجرة واسعة وبنضيف فوقن السكر وبنحرك شوي ليدوب كل السكر ، بعدا بنضيف مكعبات الجبنة ويفضل نقطعهن قطع صغار من قبل ، وبنصير نحرك شوي شوي لتدوب الجبنة وضروري ما تكون متكتله، وبنصير نضيف السميد شوي شوي ومنحرك بسرعه وبنحاول نمط العجينة ونحن عم نحرك ،

بس حسينا انو شكل العجينة صار تمام متلما بدنا بنفردها على كيس نايلون وهيي سخنة وبنحطلا كم نقطة قطر لتسهل عملية مد العجين، وقدما قدرنا نرقق العجين قدما كان احسن. بنمد القشطة اللي منكون مجهزينا قبل بقلب العجينة وبنلف العجينة رول.

القشطة عبارة عن حليب منفرطو على النار بالخل وبنصفي القريش من ميتو وبنخلطو بعدما يبرد بعلبة القشطة. للنكهة بضفلا كم نقطة ما زهر

بعدما نلف العجين على شكل رول بنقطعا وبنبدا برول جديد، بعدما نخلص منضيف القطر على حسب الرغبة ويفضل تحضير القطر قبل بيوم. على الوجه بمنحط فستق حلبي وصحة وهنا