للتنويه الرز واللحمة والدهنة بتقللو وبتزيدو حسب كمية الخضار. انا بالوصفة هون مو ضايفة خضار وممكن اذا كانو حجم كبير في كيلو رز.

منضيف عليها اللحمة والدهنة وثلاث او اربع ملاعق طعام رب البندورة وملعقة دبس رمان وملعقة صغيرة ملح الليمون, اذا كانت رب البندورة حلوة. اما اذا بيتوتية وحامضة, ما بتحتاج وملح وملعقتين بهار حلبي.

اول شي بعد ما نغسل الرز, بتم نقعو نصف ساعة بماء دافية. بعد هيك منصفيه.

منخلطهن منيح ليتجانسو. بعدين منبدا حشي منحط كمية من الحشوة بالكوساية. ومنهزها هز او دقة خفيفة على صحن لينزل بقلبها مامنرص الحشوة باصبعنا. وللنص فقط كرمال انو يغبغب ومايطلع قاسي وناشف.

منشغل فورا النار. اول ربع ساعة على نار عالية وبس بدا يغلي, منخفف النار مع الانتباه انو تبقى في غلوة خفيفة.

منزبط طعم المرق,ة اذا احتاجت. وقبل ما نطفي بربع ساعة, منشيل التقلة ومنترك الصحن ليغبغب بياخد ساعتين تقريبا على النار. وبعدها صحتين والف هنا.

منحط العضام بالطنجرة ومنصف فوقهن الكوسا والباذنجان. ومنشكل بقلب بعض, حتى يعطي طعم لبعضو. واخر شي الفليفلة على الوجه. بعدها منضع صحن على الوجه وفوقه التقلة.

المرقة, بصحن كبير مندوب ماء بندورة تقريبا كوبين وملعقة ملح الليمون وملعقة دبس رمان نتفة سكر نص ملعقة. والثوم والنعناع وملح. والماء تكون كمية تغمر المحشي منخلطهن ببعض بعدها منضيفن لطنجرة المحاشي, بعد ما نحط التقلة طبعاً.