سمك مشوي مع رز صيادية
إفتح في تطبيق كوكبادالخطوات
- 1
أول شي, بننقع السمكة بماء دافية وخل وليمون، لمدة ساعة على الأقل. بعدين بنفركها بملح وبنغسلها منيح.
- 2
بنحضر تتبيلة السمك اللي هي زيت الزيتون وعصير الليمون والثوم المهروس. بنخلطهم منيح مع البهارات وبندهن فيهم السمكة من برا ومن جوا.
- 3
ممكن نحضر حشوة السمك اللي هي عبارة عن فليفلة خضره حلوة وبندورة وبقدونس وثوم مفرومين ناعم. بنعمل بالسكينة شقوق عرضية على السمكة وبنحشيها بالخلطة.
- 4
بنلف الصينية بالقصدير من كل الجهات. وبندخلها على الفرن على درجة حرارة 200 بدها ساعة تقريبا. وبس تستوي منيح, بنشيل عنها القصدير وبنحمر الوجه على الشواية.
- 5
بنضيف على البصل المقلي البهارات المكتوبة بالمقادير وبنضيف مقدار ماء مناسب للرز. وبنتركها تغلي منيح. بعدين بنصفي الماء من البصل, عشان نطبخ فيها الرز.
- 6
بنعلي الغاز وبس يغلي, بنغطي الطنجرة. وبنخفف النار تحتها, لحتى يستوي الرز ويتفلفل منيح.
- 7
بالنسبة للصيادية، بنقلي جوانح البصل بزيت قلي على النار. وبنضل نقلب, لحتى يصير لونهم ذهبي. بنشيل جزء من البصل لتزيين الصيادية وقت التقديم.
- 8
في زيت قلي, بنقلب قطع السمك الفيليه المكعبات المغطى بالطحين وبهارات السمك لحتى يصير لونه ذهبي. بنخلطه مع الرز وبنحط عليه الماء اللي صفيناها من البصل. وبنتأكد من الملح والبهارات.
- 9
بس يستوي الرز, بنسكبه في صحن التقديم. وبنزينه باللوز المقلي والبصل المقلي. وبنقدم معه سلطة بالطحينية والليمون. وصحتين وعافية. 😍 😋
كلمات ذات صلة
وصفات مشابهة
وصفات ننصحك بمشاهدتها
التعليقات
بس شوي يعني صياديه🤔