اضرب البصل في الكبه. واسخن طاسه على النار فيها ملعقة زيت. وانزل بالبصل شويه.

انزل اللحمة واضيف الفلفل واسيبها تنزل الماء وتستوي مع نفسها. وانزل بالملح في الاخر. لو احتاجت مياه, بضيف نص كوب مياه مغليه. واسيبها تستوي كويس.

في حله على النار, بنزل بالزبده والزيت. واضيف عليهم الدقيق. واقلب بالمضرب كويس اوي, لحد ما الدقيق يحمر, بس مش يتحرق. وانزل باللبن واقلب. وممكن اضيف شوربه لو عندي, او مياه ومكعب مرقه.

المعكرونه بسلقها في مياه مغليه على النار. المعكرونه مش بتتغسل لما تستوي, بضيف عليها اربع خمس ملاعق بشاميل واقلبهم فيها.

اجيب الصينيه واضيف شويه بشاميل تحت وعليهم معكرونه. اعمل طبقه كويسه تحت. دايما اللي تحت اكتر من فوق بتكون طبقه خفيفه خالص. واحط اللحمة وعليها طبقه المعكرونه تاني. وانزل بالبشاميل.