إفتح في تطبيق كوكبادالخطوات
- 1
ننخل الدقيق ونضيف عليه اللبن البودرة والملح والبيكنج بودرة. ونقلبهم كويس.
- 2
هنجيب كوب ونحط فيها الخميره وعليها السكر ونحط عليهم مياه فاتره ونقلبهم. ونختبرها, لما تعمل فوم (رغوة), تبقى كده جاهزه. وهتبقى ناجحه, ان شاء الله.
- 3
هنضيف الزبادي والمايونيز على الدقيق ونحط الخميره كمان, بعد ما عليت. ونقلبهم كويس. وننزل بالمياه, لحد ما العجينه تلم معاكي. المايونيز بخلي العجينه هشه وطريه اوي, هو بديل للزيت لو مش عايزه هتحطي معلقتين زيت زيتون او ذره عادي.
- 4
هنقعد نعجن فيها, مش اقل من عشر دقائق. ونغطيها ونحطها في مكان دافي, ساعة مثلا.
- 5
هنعمل صوص الطماطم, هنجيب حله ونحط فيها ملعقة زيت وعليهم الطماطم والصلصة والملح والفلفل وزعتر الناشف وروزماري. ونقلبهم كويس على النار. ونسيبها تتسبك مع بعض.
- 6
هنضيف ملعقة الصلصة والسكر كمان. ونغطيها ربع ساعة كده. ونسيبها تبرد.
- 7
هنفرد العجينه ونخرمها بالشوكه. ونضيف صوص الطماطم على الوجه.
- 8
وعليه الجبنة الموتزاريلا وممكن رشه جبنة رومي, حسب الرغبه.
- 9
ونضيف الفلفل والزيتون والسوسيس.
- 10
وندخلها الفرن على حراره 180, لمده ربع ساعة على الشبكه. ونطلعها, نحط جبنة موتزاريلا تاني ورشه زعتر. الجبنة تسيح بس. وتقدم, بالف هنا. 🍕
كلمات ذات صلة
وصفات مشابهة
وصفات ننصحك بمشاهدتها
التعليقات (2)