نقعت فخاد الدجاج بالخل والملح والماء مدة نصف ساعة وبعدها غسلتهم بالماء وقصيت الزوائد منهم وعملت جرحين كبار بالسكين فيهم لتسهيل عملية وصول النكهات لداخلهم وتسريع الإستواء وصفيتهم بمصفاية

شعلت الفحم وخليتهم لحتى يصيروا جمر وغير هيك مابيمشي الحال لإني النار بتشعل تحت الفرّوج وبيحترقو حرق وكل خمس دقائق بعملّن تقليبة وبنتبه منيح ماتشعل النار تحتهم من الدهن والزيت اللي بنقّط منهم

قدمتهم مع سلطة وحمّص ناعم بالطحينة مع المخللات وخلطة التوميّة الخاصة بالفرّوج المشوي وهيّة عبارة عن ملعقة صغيرة ثوم مهروس ناعم كتير مع شويّة ملح وزيت زيتون أو مايونيز حسب رغبتكم