ع طريقتي انا بالبدايه بتبل الدجاج وبقليه والتتبيله عباره عن ملعقة ملح وملعقتين بهارات مشكله وملعقتين زيت وملعقه صغيره كركم وفصين توم مهروسين بنخلطهم وبنتبل الدجاج منيح وبنقليه وبنتركه ع جنب.

بنجيب الطنجره الي بدنا نطبق فيها الطبخه وبنحمص البصل والجزر مع ملعقة بهارات خشنه وتوم ورشة ملح. والحمص بنحط كاسة بس.

بعدين بنصف الدجاج المقلي فوقهم وهلأ الرز بكون منقوع ومغسول ومصفى وبنحط عليه ملح حسب الرغبه وباقي البهارات والكركم وباقي الحمص وتقريبا كاسة شاي زيت من الزيت الي قلينا فيه الدجاج وبس نخلطه كتير منيح بنضيفه فوق الدجاج ونصب فوقه ماي مغلي الي يغطي الرز وبس يبلش يغلي بنوطي الغاز وبنغطيه... وصحتين وعافيه