قلبي البصل بالزيت النباتي في الطنجره على النار, لحتى يذبل. وحطي فوقه القرنبيط وقلبي كل شوي مشان يكون اخد لون مشقر بالزيت.

ضيفي ماء ساخن للقرنبيط مع كمون و كركم, كأنك بتسلقيه وضيفي البهارات المذكورة. واتركيهم على النار, لحد ما تصير الحبة نص استواء, مش مهروسة هرس.

ضيفي مرق من مرقة القرنبيط على الطحينيه. وحركي لحد ما يصير الحرارة تبعها منيح. وبترجعي بتصبيها فوق القرنبيط على النار وبتحركي بسرعه وباستمرار, لحتى تغلي وتعقد المرقه معك.

هيك بتكون عقدت واستوت الزهره, بنفس الوقت, بدون م تنهرس من التحريك. اتركيها شوي تفتر وتأخذ نكهة الطحينية. رح تطلع اطيب. وقدميها مع الرز, او الخبز. بالعافيه. 😍❤

ملاحظه : اذا ما بدك تقدمي الاكل على طول, لا تغطي الطنجرة بس تستوي الطبخه. لأنو الطحينية بتفرط. اتركيها بس تبرد وبعدين بتغطيها, لحد ما ييجي وقت التقديم. بترجعي بتسخنيها وبس.