إفتح في تطبيق كوكبادالخطوات
- 1
بنقلي اللحمة المفرومة منيح بزيت الزيتون وبنضيف الثوم والملح والفلف الاسود وبعدا منضيف البطاطا (منقطع البطاطا راس عصفور) وبنتركهن على نار هادية لتستوي البطاطا نص استواء
- 2
بنضيف البندورة المقشرة والمقطعه ناعم للطبخة وفوقهن دبس البندورة ومنحرك شوي وبعدا منغطي الطبخة وبنتركها تستوي على نار هادية، اذا حسينا انو البندورة قاسية فينا نضيف شوية ماء
- 3
الرز مننقعو 15-20 دقيقة وبهذا الوقت بنقلي الشعيرية بالسمنة وبس تأخذ الشعيرية لون اشقر بنضيف الماء والملح وبنغطي الطنجرة،
- 4
لما تبدا تغلي الماء بنخفف النار وبنضيف الرز وبنغطي الطنجرة، ما منحرك الرز كتير لحتى ما يطلع معجن، قبل ما تنشف الماء تماما منحركو تحريكة خفيفه
- 5
منضيف الفلفل الاسود وبنغطي الرز، وبس تنشف الماء منطفي الغاز ومنترك الرز شوي قبل السكب
- 6
ملاحظة: (في انواع رز بتأخذ كمية ماء اكتر) وصحة وهنا🌸
وصفات مشابهة
وصفات ننصحك بمشاهدتها
التعليقات