في طبق كبيرر هنعمل العجينة هتحطي الحليب عليه المايه والزيت والخميرة والسكر والملح واضربي البيضة مع الفانيليا وحطيها وقلبي الخليط ده كله مع بعض بعد كدة ضيفي كيلو الدقيق شوية بشوية واعجني لمدة 6دقائق لحد اما تبقي عجينة طرية وبتلزق شوية

بعد اما العجينة تخمر هتقسميها20 كورة قد بعض هتبدأي بأول 5 كور هتفردي الاولي بسمك ¼ سم وتحتيها في طبق مرشوش دقيق وتدهنيها سمنة وعليها رشة سكر وتكمل بنفس الطريقة لحد ما تخلصي ال5 كور واخر كورة متحتيش عليها حاجة وهتعمل نفس الطريقة دي في كل الكور بس كل 5 كور لوحدهم

لما تخلصي ال5 طبقات هترشي رشة دقيق وتفرديهم علي شكل مستطيل وتقسمي المستطيل ده اربع تربع كل ربع3قطع علي شكل مستطيل بالطول وخلصي الاربع تربع بنفس الطريقة

كل مستطيل طويل قطعتيه حطي جواه الحشوه ولفيه رول واقفلي عليه من تحت كويس جدا وخلصي باقي الكمية بنفس الطريقة وكل ما تخلصي واحدة حطيها في صينيه مدهونه بالزيت وتغطى الصينيه ونسيبها تخمر للمره الثانيه متسبيهاش مده طويلة

هنعمل خليط دهن الباتيه في طبق هنحط البيض مع السكر والفانيليا والحليب والنسكافيه ونضربهم كويس اوي وندهن بالخليط ده الباتيه بعد ما اختمر ونرش عليه رشة حبه البركة وسمسم وندخله فرن سابق التسخين علي درجة حرارة 200 علي نار هادئة لحد ما ياخد لو من تحت ويستوي اعمليه الشعلة ياخد لون من فوق واقفلي عليه

اول لما الصنية تطلع من الفرن رشية ببخاخة مايه وغطيها بفوطة لحد ما تبرد

بعد كده قدميه وبالف هناا وشفاا😻🙈بجدد تحفهه وحلو اووي في الفطارر وللمدارس وممكن تحطيها في علبه محكمة تعد معااكي لاسبوع🙋😽رأيكوا