نطيب مرقة بيضاء ندير شوية بصل مربى و شوية زيت و ملح فلفل أسود قرفة و نقليها ونمرقها ونرمي فيها شوية جلبانة (بازيلا) و زرودية (جزر) نطعها مربعات ونخليهم يطيبو ادا تحبي زيدي الفطر

نروح اللحم مرحي ندير بصلة كبيرة نربيها في المقلة و شوية زيت وشوية زبدة ملح فلفل أسود قرفة ونخليها حتى تذبل و نرمي اللحم مرحي و نقعد نقلب حتى يطيب, اي يستوي و نقطع البقدونس ونزيدو اللحم و كي طيب لابيشامل ندير 4 مغارف منها ونربي فرماج (جبنة) نتاع البيتزا ولا اي نوع نتاع الفرماج

للبيشامل ندير 2 مغارف زبدة يذوب و نزيد فوقهم 2 مغارف فرينة (طحين او دقيق) و نخلط مليح حتى طيب الفرينة (طحين) ونزيد الحليب نصف لتر غير بشوية ونحرك حتى تتخلط مليح و ندير الملح و الفلفل الاسود وكي تعقد نطفي عليها و ندرلها جوزة الطيب

نحكم الكرومبيط و نحط في الورقة شوية لحم مع الفرماج و نستفهم في البلا نتاعي لي نكون حطيت فيه المرقة لي طيبتها وكي نكمل نعمر قاع البلا ندير فوق البيشامل