في إناء نضع البيض مع قرصة الملح والسكر والفلان ونخلط جيداً ثم نضيف الزيت وعصير ومبشور الليمون والفانيليا ونستمر بالخلط ونضيف الخميرة الكميائية والفرينة تدريجيا حتى نتحصل على عجينة متماسكة وطرية

نأخذ كمية من العجين ونشكل كعيكعات وهكذا حتى نكمل كامل العجين ونضعهم في صينية مفروشة بورق الطبخ ثم الى الفرن على درجة حرارة متوسطة حتى ياخذو اللون الذهبي ونتركهم يبردو

نغمس الكعيكعات في ماء زهر ونقطرهم ثم نرمدهم في السكر الناعم المنخول ونتركهم في السكرحوالي ربع ساعة حتى يتشربو ونزينهم بوريدات بعجينة السكر حسب رغبتكم وبالصحة والهناء

ممكن تغيير نكهة الفلان حسب ذوقكم وممكن تغيير شكل الحلوى بشكل اوطابع من اختياركم كما يمكن استبدال ماء زهر بعصير الليمون تجيكم روعة

الحلوى ذوقها رائع متشبعوهاش خصوصا الليمون يعطي ذوق رائع

جربوها اذا حبيتوها وادعيولي دعوة خير وبالتوفيق للجميع