❤بسم الله الرحمن الرحيم ❤ أول شي العجينة بحط الخميرة والسكر والحليب الناشف وبضيف عليهن كاستين ماء دافيه ماتكون ساخنه وبحرك تمام لأتأكد انو الخميرة دابت بضيف كاستين لطحين وبحرك تمام ليتجانس مع بعضو تمام وبغطي وبتركو ربع ساعة بمكان دافي بعد ربع ساعة بجيب المزيج وبضيف عليه الطحين المتبقي وبخلطو تمام مع ملعقة الملح وكوب الزيت وبعجن ليصير عندي عجينة متماسكه وناعمه

الصلصة اول شي بقطع البصل ولفليفلة قطع ناعمه وبغسل البندورة وبقطعها كمان بحط خمس ملاعق زيت مازولا كبار وبقلب البصل ولفليفلة حتى يدبلو بضيف البندورة وبحرك بغطيها خمس دقائق وبضيف عليها الفطر وحبة البركة والزنجبيل والزعتر ومعلقة الملح وبحركو مع بعضو وبغطي حتى اتأكد انها استوت ونشفت الماء تبعها 🌹 الجبنة انا استخدمت جبنة بلدية نقعتها من المسا للصبح وبشرتها عالبشارة لصارت بهل شكل

بجيب صينية الفرن وبدهنا بالزيت وبمد العجينة وبالشوكه بثقبها وبضيف عليها الصلصة وبضيف الذرة الكمية الى بدي ياها

آخر شي بضيف الجبنة والزيتون الأسود وشرحات فليفلة وبدخلها الفرن بكون حامي اول شي تتحمر من تحت وبرفعها لفوق شي دقيقتين مو أكتر وصحتين وألف هنا على قلبكن🧡🧡