في قدر نضع الزيت البصل الدجاج و التوابل المسبقة الذكر و الخمص و الزيت نخليعم يتقلاو على نار هادية حتى يتقلى الدجاج و يوخد البصل اللون الذهبي

بعدما تتقلى المكونات نمرق قليلا فقط و نخليها ربع ساعة ثم نعاود نمرقها مرة اخرى و نضيف ملعقتي الطماطم و نتركها تطهى 45 دقيقة

نجيب كسكاس نحط فيه الشخشوخة بعد مانكون ضفتلها شوي زيت حتى لا تلتصق بعد ما نفورها في الكسكاس.و نحطو فوق قدر مائي تتفور.حوالي نصف ساعة.مرتيين او ثلاث.و بعد التفويرة الثانية نضيفلها قطعة زبدة باه ماتتعجنش.

بعد ما نكمل نفورها نخليها تبرد و نوضعها في قدر و نضيفلها المرق المسبق قليلا قليلا على نار هادئة.كل مانشوفها نشفت نضيفلها المرق شيئا فشيئا و نرميلها قطعة معتبرة من الزبدة.

من بعد ندمها في صحن التقديم