اول حاجه هنحضر الكفته هتكون عاديه جداً هنبشر بصلتين ونصفيهم من ميتهم وناخد البصل بس ونضيفه عاللحمه المفرومه ونضيف الملح والفلفل الاسود

هنكون محضرين كيلو معكرونه سباغيتي ونبدا نقسم كل مجموعه وناخد اللحمة المفرومه نلفها عليها زي ما بتلفيها على السيخ اعتبرى المعكرونه السيخ اللي هتلفى عليه والمعكرونه اللي هتتبقى منك هنستفاد بيها وهنسلقها معاها هتكون في الطبق من تحت

هنبدا نخرط بصلتين ونحمرهم في الزيت لما ياخدوا لون ذهبي ننزل بالطماطم المعصوره المتصفيه ونضيف الملح والفلفل ومكعب مرق اول ما تتسبك نزودلها كوبين ماء ونبدا ننزل بالمعكرونه اللي زادت مننا الاول من غير كفته وبعد كدا نرص المعكرونه بالكفته اول ما تبدا تستوي هتنزل في الصلصة وتستوى كلها وتشرب صلصتها

هنبدا نرصها في الطبق هنأخذ المعكرونه اللي معلهاش الكفته في الطبق من تحت ونرص عليها باقي الكفته بالمعكرونه وبالف هنا تحفه وطعمها جميل بسبب تسويه الكفته مع المعكرونه جربوها وحاجه جديده

باقي طريقه التسويه بالصور

وكدا كل الخطوات يارب تعجبكم

اضغط هنا لمشاهده الوصفه على قناتى https://youtu.be/dVHmtRu4FLY