نضع في الخلاط ٥بيضات وفانيليا وكوباية سكر بالتدريج واضربي لحد ما البيض لونه يفتح وفي طبق كوبين دقيق عليهم ٤معالق كاكاو ونص ملعقة بيكنج بودرة وتضيفي عليهم البيض وقلبيهم وصبيهم في القوالب بتعتك وفي الفرن ثلث ساعة واول لما تطلع تكوني مدوبه نوتيلا في لبن وتسقي الكيكه عشان تكون طرية

وبعدين تجيبي ربع كريمة لباني وتحطيها على النار تسخن وشيليها وحطي عليها ربع شوكولاته وقلبي لحد ماتسيح في الكريمه وبعدين هاتي كيس كريم شانتيه وحطي عليهم ٣معالق كاكاو وكوباية لبن متلج واضربي بالمضرب وبعدين ضيفي عليها كريمة لبانى وقلبيهم على بعض وسبيهم على الكيكة وبالهنا والشفا