قبل ما نبلش بتحضير عجينة حلاوة الجبن منجيب كيسين نايلون نضاف ومنقصن ومنفردن عالطاولة ومندهنهن بالقطر

منجيب طنجرة تيفال ومنحط فيها كوب حليب ومنضل عم نحرك ليسخن وبس يسخن منضيف السكر ومنحرك ليدوب بعدين منصير منحط جبنة موزاريلا مبروشة بالتدريج ومنضل عم نحرك ومنشطا بالمعلقة لفوق

منضيف السميد بالتدريج مع التحريك السريع ومنشطا لفوق لحتى يصير عنا عجينة متماسكة منحطا فوق كيس من كياس النايلون ومنحط فوقا الكيس التاني

منمد العجينة بالشوبك بالسماكة يلي بتحبوها بعدين منقيم الكيس الفوقاني ومنحط القشطة ومنلفا رول بمساعدة الكيس يلي تحت (ما تلفوها اكتر من لفتين مشان ما تطلع سميكة) وبعدين منقطعا بالسكين ومنلف الرول يلي بعدو لتخلص الكمية