نكون مسخنين الفرن قبل ما نحضر الوصفة اولا نتبل الفراخ؛ ملح وفلفل اسود وبهارات فراخ وشطة وشوية زيت نسبهم شوية مع بعض

نكون سلقين المعكرونة ونجهز البشاميل نجيب حلة ونحط فيها الزبدة وبعدين الدقيق ونقلبهم مع بعض لحد ما الدقيق يستوي ياخذ اللون الذهبي الحلو

وبعدين نزل باللبن والشوربة واحدة واحدة علشان ما يكلكعش وانتي بتنزلي اللبن او الشوربة تقلبي بالضرب السلك وبعد ما يكون القوام مناسب ولا تقيل ولا خفيف وسط نضبط الملح والفلفل الأسود وجوز الطيب ونشيلة من على النار علشان ميتقلش

نحضر الفراخ؛ نجيب طاسة ونحط شوية زيت ولما الطاسة تسخن ننزل بالفراخ تأخذ صدمة ونقلبها كويس لح ما لونها يبيض وبعدين ننزل بالفلفل الألوان والبصل وممكن تحطي زيتون لو تحبي ونسيبهم يتشوحو مع بعض شوية

وبعدين نحط عليهم المعكرونة ونشوية بشاميل ونقلبهم مع بعض شوية

نجيب بايركس وندهنة شوية زبدة وننقل المعكرونة فية وبعدين نحط باقي البشاميل على الوجه وفقيها الجبنة

وبعدين نحطها في الفرن على أعلى درجة حرارة لحد ما تأخذ لون

وبجد طعمها تحفة جربوها ومش حتندموا😋😋😋😋🌹