نخليط الزبدة و السكر جيداً ثم نضيف حبة البيض و الفانيلا و نكمل الخلط حتى يصبح المزيج كريمي ثم نضيف القليل من الفرينو و الخميرة و الملح و نضيف الفرينة (طحين) و نجمع العجين منعجنوهاش نطمو برك نغطيها بكيس بلاستيكي و نحطها تريح فالتلاجة على الاقل نصف ساعة كي تريح نديرها فلي مول و نطيبها على فرن مسخن مسبقا على 180 درجة خلوهم ياخدو لون شباب

نحضر الكريمة نقسم الحليب الى نصفين النصف الاول نضيفلو المايزينة نخلطها مليح و حبة البيض نخلطهم ثم النصف التاني نضيفلو السكر و نحطو فوق النار يسخن مليح ماشي حتى يغلي كي قريب يغلي نحيه فرغيه فوق الخليط الاول و خلطيه مليح بالفووي و رجعيه فوق النار و كملي خلطي حتى يعقد الخليط ثم نحيه و ضيفيلو الزبدة و فانيليا و غطيها بكيس بلاستيكي لازم الكيس يقيس الكريمة باش ماديرش القشرة و خليها تبرد علابالي الطريقة شوية طويلة بصح النتيجة روعة

نطلع بودرة الشانتيه مع حليب بارد نطلعها جيداً ثم نجيب الكريمة اللي خدمتها نضربها بالباتور مليح تولي ملساء ثم نضيفلها كريمة الشانتيه و نخلط بالملعقة فقط ندخلها كامل في بعضاها هنا اللي حبة ضيف عطر الفراولة للذوق و اللون هدا اختياري ثم نحطها في بوش ادوي و نعمر بيها الفوندوتارت تاعنا و نشبحوها بحبات بالفريزة و ندهنها بلاجولي صدقوني جي هايلة 😍😍😍