في جفنة نحط السميد و مفرف صغيرة ملح و مغرف صغيرة خميرة حلوى و نحط السمن كيلة ناقصة اصبع و نكمل الكيلة زيت كما في الصورة و بعدها نبذا مرحلة التبساس اي نحكو بين بيد حتى تطرى حبة السميد و نحكو مليح حتى نلاحظ انو لون اصبح فاتح و الخليط تعنا طلع و تبسس مليح ولا كتلة وحدة هنا ادا مكيش مزروبة بيتيه ليلة كاملة حتى يشرب مليح و الل خليه يرتاح مدة من الزمن و بعدها نديرو كيلة مخلطة ماء الزهر و ماء عادي و نلم العجينة و نبدأ نخدم

عجينة التمر انا نقيتو و فورتو و رخيتو و درتلو قرفة و شوي قرنفل و عجنتو بالماء الزهر و الزبدة و حربشتو باه نسهل الخدمة و وجدت القطاعة و الطابع تاع المقروط كما في الصورة و درت حربوش خشين و حشيتو بالغرس و غلقتو و روليتو حتى تسوى مليح و حطيت الطابع فوقو حتى خدا الشكل و قطعت على حسابو الحبات

نستف الحبات في السنيوة بالشكل الموصخ في الصورة نلصقوه في بعداه باه ميجيش ناشف و يتحرق الغرس و نطيبو بالفرن على نار متوسطة الى هادية حتى ياخذ لون مصفو شباب

نسخن العسل و نديرلو ماء الزهر و نعسل المقروط و نزينو بالجلجلان و بالصحة و الهناء