تحضير الكيكة🥞🥞🥞 في إناء نخلط البيض و السكر ولفاني نضربوهم مليح و نزيد عليهم المايزينة و الفرينة (طحين) و الخميرة و نفرغ الخليط في مول و ندخلوه للفرن

الكيكة في الفرن نحضرو الشاربات في كسرونة نضع الماء و السكر و الليمون نحطوها على النار ربع ساعة و نقلعوها بعدما طيب الكيكة نسقوها لازم الشاربات تكون باردة أو العكس كيكة باردة و شاربات ساخنة

تحضير كريمة الليمون🍋🍋🍋🍋 في وعاء نضع البيض و السكر و الليمون نحطوهم على حمام مائي نخلطوهم مليح كي يعقد الخليط نضيفولو الزبدة

طريقة التزيين نحكم الكيكة نضع كاوكاو (فول سوداني) او لوز ايفيلي محمص على الجوانب و نفرغو كريمة الليمون على الوجه و نعمل زهرات بالشونتي بعدما نكونو طلعناها و حطيناها في الثلاجة انا حطيت خطوط من الشوكولاتة و عملتهم بحافة السكين و التزيين يبقى اختياري