نضع زيت في الطنجرة و بنخليه يسخن شوي بعدين بنضيف بهارات الكبسة الخشنة ويلي بكون فيها حب لومي وفلفل أحمر جاف وحب كزبرة وأشياء كثيرة و نحمس البهارات شوي مع الزيت حتى تطلع ريحتها بعدين بنضيف قطع الدجاج

وبنحوسهم مع البهارات وبنضيف البصل وبنحركهم سوى وبعدين بنضيف الماء وبعد ما يغلي بنشيل الزفرة وبنضيف الماجي البودرة وبنضغطها بطنجرة الضغط نصف ساعة

بننقع الأرز بماء ساخن لمدة نصف ساعة بعدين بنصفيه منيح و بنغسله حتى يطلع كل النشا منه وبنتركه على جنب

بنبرش زنجبيل برش خشن شوي بنحوسه بشوية زيت بنقطع البصل جوانح رفيعة بعدين بنضيف الفليفلة الألوان وبنقلبهم مع بعض وبعد هيك بنضيف الجزر و البازيلا وبنطبخهم شوي حتى تذبل جميع الخضار بعدين بنضيف الأرز والماجي والملح حسب الرغبة

هيك بكون استوى الدجاج بنشيله من المرقه وبنحطه بصينية للفرن حتى نحمره وبنضيفله الخلطة يلي ذكرتها وبندخله الفرن من فوق حتى يتحمر

بنضيف مرقة الدجاج الساخنة للأرز ونطبخه على نار عالية حتى تغلي ثم تخفض النار على نار هادئة حتى يستوي قبل الاستواء بقليل نضيف في فنجان صغير ملعقة صغيرة من الصبغة ونحلها بنصف فنجان ماء ونوزعها على وجه الأرز بشكل عشوائي دون تحريكه ونتركه حتى يستوي

نضع على الغاز 3 فحمات حتى تتجمر نعمل حفرة في وسط الأرز ونضع الفحمات في صحن ستانلس ونضيف فوق الفحم زيت ونغطي الطنجرة حتى تنطفئ الفحمات ونكرر نفس العملية مع الدجاج بعد تحميره

وصحتين وهنا يا رب