إفتح في تطبيق كوكبادالخطوات
- 1
اولا هنحضر الكراميل نضع كوب من السكر فى وعاء ع النار مع التقليب لحد مايتكرمل خالص ومايبقاش فيه اى كلكعه نكون مجهزين صنيه متوسطه الحجم نصب فيها السكر المتكرمل بسرعه قبل ماينشف ونحاول ان قاع الصنيه يكون مليان ونسيب الصنيه ع جنب
- 2
تانى حاجه بقى هتجيبى طب عندك كده حلو وتحطى فيه 4 بيضات وفانيليا وياريت لو سائله بتكون احسن لو مش متوفره ولا يهمك بس تزوديها شويه وتضربى البيض مع نصف كوب سكر وبعدين تحطى كوبايتين لبن وتضربى حلو اووووى وبعدين تحطى المكونات دى ع الصنيه يعنى فوق الكراميل الى فردناه فى الصنيه (ممكن انتوا تزودوا السكر فى دى يعنى بدل نص يبقى كوبايه)
- 3
الخطوه الاخيره اعملى كيكه عادى خااااالص وهنا الكيكه مش شرط تطلع ناجحه اووى هاتى خلاطك حطى فيه 4 بيضات مع كوب سكر ع نصف كوب زيت وفانيليا وكوب لبن اضربيهم كويس اووى هاتى طب وانخلى فيه الدقيق وحطى عليه ذره ملح والبيكنج بورد وضيفيهم ع الخليط السائل كده كيكتك خلصت ممكن ع فكره تعمليها بنى تضيفى كاكاو بس تقللى مقدار الدقيق
- 4
نصب خليط الكيكه فى الصنيه جهزى فرنك وماتحطيش الكيكه ع طول وده دايما تعمليه وانتى بتعملى اى حاجه تسيبى الفرن يسخن المهم تجيبى صنيه اكبر وتحطى فيها مناديل ومايه سخنه تملى ربع الصنيه مثلا او اكتر حبه وتحطى جواها الصنيه الى فيها مكوناتنا ودخليها الفرن ع درجه حراره متوسطه وتابعيها كانها كيكه عادى هتلاقى الكيكه هى الى من فوق
- 5
بعد ما تتاكدى انها استوت سبيها تهدى شويه وهاتى سكينه وحاولى تلفى كده ع الجناب عشان تتقلب فى طبق التقديم بسهوله واقلبيها لو لقيتى صعوبه عادى فوطه وبليها مايه وانتى قالبه الصنيه حطى الفوطه عليها هتتقلب باذن الله
كلمات ذات صلة
وصفات مشابهة
وصفات ننصحك بمشاهدتها
التعليقات