تحلية اقتصادية بالبسكويت
رائعة 😍
إفتح في تطبيق كوكبادالخطوات
- 1
اولا نجيب المول تاعي شكله مربع او مستطيل نحط فيه البسكويت ونستفو قدام بعض قبل منستفو لازم ندخلو فالحليب ونخرجو بعدها نستفو كي يتغطى المول نزيد ندير طبقة اخرى من البسكويت (طبقتين)
- 2
ثانيا في كسرونة نحط 3 ملاعق من النشاء+ 4 ملاعق سكر+ نصف لتر حليب+ 2 فاني ونخلطهم مليح بعدها نجيب كسرونة أخرى ونحط فيها 3 ملاعق نشاء + 4 ملاعق سكر+ نصف لتر حليب+ 2 ملاعق كاكاو
- 3
بعدها نحطهم على نار هادئة في نفس الوقت (يعني الخليط الاول نحطو على نار والخليط الثاني نحطو على نار) ونحركهم باستمرار كي يثقالو مليح نحيهم (نبعدهم) من فوق النار ونضيفلهم ملعقة زبدة ونخلط مليح الزبدة حتى تذوب
- 4
بعدها نجيب المول تاعي لي فيه البسكويت المستف ونحط شوي من الخليط الابيض وشوي من الخليط الثاني لي بالكاكاو نحطهم فوق بعض بالتداول حتى نكمل كامل الخليط نحرك المول شوي باش الخليط يتطرح كامل نخليه يبرد تماما ونحضر الطبقة الاخيرة
- 5
الطبقة الأخيرة ندير في كسرونة كاس ماء+ صاشي فلان تاع شوكولاته ونخليهم يغليو كي يغليو نخليهم مدة 30 ثانية ونفرغهم فوق سطح الخليط ونحرك المول باش يتطرح كامل الخليط منقيسوش بالملعقة جيست نحرك المول يتعدل وحدو وندخلو الثلاجة حتى يتماسك تماما (ايدا بغيتي تسرعي العملية حطيها فالمجمد حتى تتماسك برك وخرجيها) بعدها اقسميها وزينيها بالشكل لي حبيتيه❤️
كلمات ذات صلة
وصفات مشابهة
وصفات ننصحك بمشاهدتها
التعليقات (6)