القرنبيط المقلى، قطعيه وردات كبيرة واغلى ماء وحطى فيها ملح وكمون ورصى فيها القرنبيط من ناحية العرق الاخضر مش من ناحية الورد. سيبيه يغلى 10 دقايق وطلعى القرنبيط في مصفا ولما يبرد شويه امسكى كل وردة وابتدى قطعى من ناحية العود شرايح رقيقه لحد تحت

جهزى الخلطة نص كباية نشا، كوب الاربع دقيق، 3 بيضات، ملح وفلفل وبهارات وكمون وشطة وكركم.شبت وكزبرة وبقدونس مقطعين ناعم شوية ماء

اضربى البيض مع التوابل وحطى الدقيق والنشا وقلبى وزودى ماء لحد ماقوام الخليط يبقى زي خليط الكريب زودى عليه شويه من الخضرة وقلبى

وبعدين نزلى فيه شرايح القرنبيط من الخلطة ونزليه في الزيت وحمريه باللون اللي تحبيه وطلعيه على مناديل يصفى ورصيه في طبق وشى عليه باقي الخضرة وبالهنا والشفا