نسلق الروبيان بماء وملح ربع ساعه تقريباً او هو ينباع مسلوق وكامل نقطع شرائح بصل اني بالنسبه الي اكثر البصل هوايه حتى يتجانس الرز مع البصل والروبيان ويكون منكه وطيب

نشوح البصل والشبت بالنسبه الي ما اضيف شبت ع النار ونضيف البهارات مع البصل اللي هم كركم وبهارات مشكله مع فلفل اسود ونومي بصره او (الليمون اليابس) قليل ورشة ملح الى ان يذبل البصل نضيف الروبيان وياه وايضاً نشوحهم ع النار راح نلاحظ انو تغير لون الروبيان الى الاصفرخمس دقائق ونرفعهم عن النار

نطبخ الرز طبخ عادي اني عن نفسي دائماً ابزل الرز قبل منخليه ع نار هادئه حتى يستوي تماماً راح نضيف الروبيان والبصل ونقلب الرز مع الحشوة راح يتغير لون الرز من بهارات الروبيان الى اللون الاصفر نتركه ع نار هادئه خمس دقائق والف عافيه