في مقلاة مسخنة و فيها شوية زيت نحط الشوفلور بعد ما غليتو و قطرتو يتقلى و يتحمر بحذر حتى نحافظ على شكلو. ثم نحطو في صحن.. و نرجع لنفس المقلاة نحط فيها ثوم مسكرفج و طماطم مصبرة و نحمسهم لبضعة ثواني بلا منحرقهم

ونضيف قليل من الماء نحل فيه الطماطم المصبرة ثم نضيف التوابل و الملح حسب الذوق ثم نكمل نمرق بحوالي كاس ونصف ماء و نترك الصلصة تغلي.

بعد ما تغلي نحط الشوفلور المحمر في الصلصة و نحاول بالملعقة نرفد و نرمي عليه حتى يتغلف بالصلصة و يتبنن اكثر. لما يشرب كامل الصلصة نطفي عليه و نرشو بمعدنوس مقطع.