في طنجرة نحط ملعقة الزبدة و ملعقة الزيت و نضيف اللحم و نتركه يتقلى مليح

من بعد ما يتقلى نضيف القرفة بودرة و قرفة عود و نجمة الأرض و القرنفل نغرسوه في نصف حبة البصلة تكون مجمولة و نحطوهم مع اللحم

نضيفو السكر و رشة الملح و نخليو السكر يذوب على نار قليلة كي يذوب نمرقو بالماء الساخن و نخلوه يطيب

نغسلو الفواكه المجففة نتاعنا و ننقعوها في الماء و كمية من السكر ، بعد ما يطيب (يستوي)السيرو نتاعنا نرميو الفواكه و نخليوه يثقال مليح بعد مايطيب و يبرد نقدموه و نزينوه حسب الرغبة و حسب الذوق بالمكسرات ولا بالقطايف و السمسم