بننظف السجقات والقبوات منيح وبنغسلهن بالملح وبننقعهن بنصف كأس خل أبيض لمدة أربع ساعات وبنحاول ننضف كل شي عليهن لون بني حتى يصيرو نضاف منيح

بننقع كاستين رز لمدة نصف ساعة وبعدها بنغسلن وبنضيف ملعقة الملح والفلفل والسمنة واللحمة وبنحرك منيح

وبنحشي السجقات بالأصبع والقبوات بنحشي نصفها رز وبنقطبها بخيط أبيض حتى الأرز مايطلع لبراها

بنحطها على النار وبنغمرها بالماء مع ورق غار وعودين قرفة وملعقة ك زنجبيل ناعم وملعقة ك هيل ناعم لحتى يغلو غلوتين وبنرجع بنكب الماء وبنغسلهن وبنحط ماء نظيفة وبنقشر بصلتين مع الماء وملعقة كبيرة وملعقة صغيرة فلفل ونصف ملعقة صغيرة زنجبيل ونصف ملعقة صغيرة هيل وبنحطهن تقريبا ساعتين على نار متوسطة