نحط صدر الدجاج و الاجنحة و نربي الحبة تاع البصل و التوم و ندير شوي زبدة و زيت و تقلي كلش مليح و نزيد الجزر و الجلبانة و نمرق و نخلي الدجاج يطيب و في جهة اخرى نحط اللحم المفروم قي مقلة مع التوم و نطيبو بشوي زبدة و نخليه على جنب

نحط كمية من الخبز و نشمخها بالحليب باه تخلي الطاجين ميجيش ناشف و في وعاء نحط الدجاج بعد ما طاب نصفيه و نفتو مليح و نزيدلو الجبن و الالخبز نعصرو من الحليب و البيض و نخلط مليح و نزيد وعاء اخر نحط اللحم المفروم و الخبز و الاجبان و البيص و المعدنوي و نخلط مليح

نوجد مول تاع الفور ندهنو بالزبدة و نرسو بالشابلير و نحط الطبقة الاولى تاع الدجاج و نديرلها قطع فرماج داخل و ندخلها للفور شوي برك قيس ميحكم روحو الدجاج و نخرجو ندير الذبقة التانية لي هي فرماج قطع و جبن مبشور و نزيد فوقها اللحم المفروم و ندخلهم للفور بطيبو و كي ينشف الخليط و يطيب ندير شوي جبن مبشور من فوق و نخليه يبرد و نقدمو فوق شوي مرق تاع الجلبانة و الجزر و بالصحة و الهناء