نعمل العجينة نغربل الفرينة (طحين) و نعمل حفرة نحط فيها السكر و الخميرة و نصف كاس حليب دافي. ننتظر قليلا لتتفاعل و مبعد نحط في الجانب الزيت و الملح و الخل و الياغورت و نبدأ نطم و نعاون بالحليب الدافئ للحصول على عجينة متلاصقة.

نخمر العجينة عدة مرات (انا نحط كسرونة فيها ماء ساخن و نحط عليها الاناء لي فيه العجين تمتم تختمر) انا 4 مرات نكسر الخميرة و نشمخ يدي بالماء و نعجن قليلا ثم نخليها ترتاح كيما ذكرت حتى نشوفها اصبحت عجينة طرية و شادة روحا 👐 نقسموها كريات و نحلوهم باستعمال الفرينة او النشاء مستطيلات (انا حليتها كامل مستطيل كبير و قسمتو)

ومبعد بالموس نقطع حواف المستطيل كما في الصور و نحط الحشو و الجبن و نغلق بشكل ضفيرة و نحطهم في صينية و ندهنهم بالبيض 👐 ونطيبهم في الفرن مسخن مسبقا و نحمرهم بلون ذهبي جميل.

نقطعهم و نسربيهم........👐👐👐👐 الحشو في مقلاة نحط الزيت و البصل المفروم و شويا ملحو فلفل اسود و نحمسهم ثم نضيف لحم مفروم و نقلي مليح و ننزعهم نحطهم في صحن و نستعمل نفس المقلاة نحط فيها الطماطم المفرومة و المصبرة و الثوم و المعدنوس (بقدونس) و الزيتون و نقليهم مع شويااا ملح و توابل و نضيف فوقهم البصل مع اللحم المفروم و نخلطهم نستنا قلياا و نطفي و جاهز للحشو.