اول حاجه هنحط السمنه على النار وهنشوح البصل شويه وننزل بعد كدا بالثوم المفروم يدبلوا كدا مع بعض وبعدين هنحط اللحمة تشويحه كدا والبهارات كلها ومكعب المرقه وننزل بعدين بالطماطم المبشورة ورشه سكر ونسيبهم يتسبكو شويه ونطفى عليهم

ثاني حاجه للبشاميل هنشوح الدقيق في الزبده وننزل بالماء واللبن البودرة ورشه جوزة الطيب والملح وبعد مايتقل نسيبه يبرد وبعد ما يبرد نضيف البيضه ونضرب كويس

ونجيب الصينيه ونحط معلقتين بشاميل في الارضيه ونحط نص المعكرونه وبعدين اللحمة وبعدين باقي المعكرونه وبعدين نحط البشاميل على الوجه وندخلها الفرن تتحمر وعايزين تحطو جبنة حطو بس انا محطيتش