بننقع البرغل بماء باردة لنص ساعة وبعد مرور النص ساعة بنفرمو بالماكينة على الناعم اول مرة وقبل مانفرمو تاني مرة بنحط البصلة واللحمة الهبرة وملح وفلفل اسود وبنرجع نفرم مرة تانية باعتبار مرتين بنفرمو عالماكينة وبعدا بندعكو منيح واذا شفناه ناشف بنزدلو ماء واذا طري بنحطلو سميد وبنتركو يرتاح ربع ساعة

بنحضر لحمة الحشوة بنفرم البصل ناعم وبنقلي وبنحط فوقو اللحمة ومنحط ملح وفلفل اسود ولتستوي بنطفي النار وبنحطلو دبس رمان وبنحط اللوز بعد ماقلينا ليشقر وبنستناها لتبرد

بنكبب الكبة ولازم يكون جنبك ماء ونشا بتبلي ايدك وبتكبكبي وبنرققها بتطلع اطيب

وبنقليها بزيت غزير وحامي وصحتين وهنا