اولا نحط السميد و لما و نشمخها و نعجنها و منقطعهاش و نسقيها بشوية و منجريهاش منبعد نضيفلها الملح و نكمل ندلكها حتان (حتى) توجد نكورها و نخليها ترتاح شوي و نطيبها في طاجين لحديد (لمسمن) نحط الزيت و نطرحها مليح و نكسلها ونطيبهم.......

نحضرو المرقة تاعنا نحط طراف الدجاج نزيد عليهم البصلة و الطماطم مرحية كذلك و جميع التوابل و الطماطم المركزة و الزرودية و البطاطا و نقليهم منبعد نمرقها بلما حوالي لتر و نصف و نغلق عليها نصف ساعة و كي طيب نزيدلها الفلفل الحار نحط أوراق لمفرمسة لي كنت فتتهم من قبل و نسقيها و شهية طيبة حبيباتي 😘😙