اولا نحضرو عجينة الكيش مغرف زيت مغرف زبدة قرصة ملح بيضة ومغرف صغيرة خميرة القاطو ونلم بالفرينة حتى تكون متماسكة

ومن بعد نخلوها ترتاح نصف ساعة ونحطوها في المول انا استخدمت المول الطويل وانت حسب مول الكيش لي عندك

بعد نعدلو العجينة في المول ونثقبوها بالشوكة باش ما تتنفخش

نروحو نحضرو الحشو بعد ما طاب السلق نرابيو حبة البصل والثوم مع مغرف زيت ونصيفو صدر دجاج يكون مقطع قطع صغيرة نخلوه يتحمس مليح نضيفو الملح والسلق والزيتون المقطع ونضيفو مغرف طماطم مصبرة مع الفلفل العكري والكسبر ونخلوها طيب مليح حتى تنشف

نجيبو المول لي حطينا فيه العجينة ومن بعد نحطو الحشوة فيه ونستفوها وتحطي فرماج (جبنة) رابي انا استعملت فرماج (جبنة) الطلي ودخليها للفرن طيب من تحت كي تشوفيها تحمرت من الجوانب شعلي عليها من فوق وبصحتكم