اولا نعمل بشاميل :ملعقة نتاع زبدة نذوبها حتى تذوب تماما نضيف ملعقة فرينة (طحين او دقيق) وهذا كامل فوق نار نبقى نحرك قليلا حتى طيب شوي فرينة (طحين او دقيق)، ونضيف كاس حليب بالتدريج مع خلط ونبقى فوق نار حتى تثقال مليح نديرلها ملح وجوزة طيب

بعدها نوضع زبدةتذوب ونضع معاها باطة نتاع كومبير على نار متوسطة والا قليلة خلاص من الاحسن تذوب كومبير في زبدة، بعدها نخلط بشاميل وكومبير بعد ماذاب ونحيتو من نار حتى توليلي عجينة،

نجيب ورق المنيوم نفرشو في صينية وندهنو بشوي زيت، ونبسط هاذاك لخليط في صينية مليح، بعدها نضعها في ثلاجة مدة ساعة كاملة او ونص بعدها نقطعو اصابع، وندير في فرينة (طحين او دقيق) و بعدها بيض وبعدها خبز يابس مرحي(شابلوغ) ونقلي مباشرة على نار قوية ندوريه برك ويقدم بارد باش يجي بنين مع سلاطة