طريقة عمل العجينة: اضفت الدقيق مع ملعقة ملح صغيرة وحركتهم واضفت الماء بشكل تدريجي واعجن اذا حسيت العجينه صارت رخوه وكان الماء كثير ازيد الدقيق (الدقيق تحطوه كمان على مراحل مثلاً كوب ونصف والنصف الثاني بعد اضافة الماء) الى ان حسيت العجينه متماسكه مش سائلة يعني تكون العجينه قابله للفرد والتشكيل.

وفي مكان دافي تركتها ترتاح تقريباً ساعتين او عادي تخلوها ترتاح نصف ساعة بس كل ماتخمرت العجينه اكثر كل ماكانت ناجحه اكثر. (الماء دافي).

فردت العجينه الى ان صارت رقيقه بس مو كثير تتشقق ولا تكون ثقيله ماتستوي.. تقريباً ارتفاعها من١ سانتي الى٤ سانتي. وقصيتها بالكاسه على شكل دوائر وفردت الدوائر على خفيف عشان يصير حجمها اكبر وتساعدني اني احشيها براحه.. او بطريقه ثانيه ممكن تكوروها وتفردوها الى اقراص رقيقه وتحشوها باللحمه..

ملاحظه: ماتنسو ترشو دقيق وانتو تشتغلو عشان ما تلزق

بصراحه طريقة اغلاقها تبغى شوية تركيز والأفضل انكم تشوفوها بشكل مباشر من اليوتيوب.. انا تغلبت فيها شويه وماحسيت اني سكرتها كويس لكن رضيت عن النتيجه.

طريقة طبخ المنتو تكون على البخار.. في قدر المنتو نضيف للنصف ماء ساخن ونضيف معاه زيت وشوية ملح. واذا ماكان متوفر قدر المنتو ممكن تجيبو قدر عادي ومصفاه تكون مناسبه لحجم القدر.

ندهنها بالزيت ونضع حبات المنتو وعشان م يلزقو ممكن ندهنهم على خفيف ونغطي القدر ونتركهم على نار عاليه مدة ٤٥ دقيقة.