الطبقة الاولى: في إناء الخلاط نحط البسكويت و القوفريط و نرحيوهم امليح و نحطهم في إناء و نذوب ملعقة الزبدة ونضيفها عليهم و نرملهم بيدي حتى يولي عندي خليط رملي نجيب المول الى ينفتح و نسويه فيه وندخل لثلاجة حتى يتماسك

الطبقة الثانية: في كسرونة نحط الحليب وفلان شوكولاته و نكون نقصت منوا قيس نصف كأس حليب و نحل فيه المايزينة و نضيف على الحليب والفلان و نحط فوق النار ونحرك حتى يغلي و نطفيه ونضيف عليه علبة الياغورت دانيت شوكولاته و نحط وهو ساخن فوق طبقة البيسكويت و ندخل لثلاجة و كي يبرد امليح باه نضيف عليه الطبقة الثالثة

الطبقة الرابعة: في كسرونة نحط الماء و الفلان و نحطها فوق النار و كي يسخن الخليط نضيف الشوكولاته و كي تذوب انطفي عليها و نضيف علبة ياغورت ذوق شوكولاته و نبرد الخليط شوية برك ونضيف فوق الطبقة الثالثة و ندخل لثلاجة و التزيين انا زينتها باشكزلاطة المبشورة و بصحة والهنا 👍💯😋