بخلط الطحين مع السميد وكربونات الصودا
والخميره والسكر

بضيف تقريبا 4 مغارف سمنه ساخنه سائله(بدوبها) عليهم
وبعجنها وبفردها بصينية على ورقه زبدة و اذا ما عندك ورق زبدة بدهن الصينيه زيت

وبعد ما افردها بحطها بالفرن تقريبا 10 دقائق على درجة حرارة 200 بحيث انها تصير ناشفه ' يابسه) بس ما تتحمر بضل لونها ابيض بعدين بطولها من الفرن وبطحنها بالمطحنه عالمولينكس لتصير عندي ناعمه

بعدين بحط بالصينية سمنه بدهنها وبفرد العجينة ويخلي ربع الكميه على جنب وبحط الجبنة وما بغطي اطراف عجينة الكنافة بالجبنه وبعدين برش ربع كمية العجينه تقريبا فوقها عشان تمسك الجبنة

وبحطها على الغاز على النار مباشره لمدة 10 دقائق نقريبا وبضلني احرك الصينية اي بدورها ما بتركها نهائيا حتى ما تتحمر جهة معينه وبحاول تيجي على النار من الاطراف والوسط فبضلني احركها بعدين بقلبها بصينية اكبر وبدير عليها قطر بارد حسب الرغبه كيف بتحبي درجة حلاوتها وبزينها بالفستق الحلبي

ملاحظة: وبتقدري تجيبي عجينة كنافه ناعمه جاهزه لكل نص كيلو عجينة الكنافه نص كوب سمنه وبفركها فيها ولازم تكون السمنه سايحه وسخنه وبدهن الصينية من السمنه وبفرد العجينه فيها وبخلي ربع العجينة وبرصها باليد منيح بعدين بحط نص كيلو جبنة حلوه تبعت الحلويات يلي بتمط او جبنة بيضا عكاوي بخلط معها جبنة موزاريلا عشان تمط معي وبرش باقي العجينة عشان تمسك الجبنة متل ما حكينا لمى احط الحبنه بخلي الاطراف فاضيه من دون جبنة ونفس الشي

بحطها على نار الغاز وبدورها لمدة 10دقايق ما بتركها عشان ما تنحرق او تتحمر من جهه اكتر