اولا نبدأ بالحشو نحطلو ملعقة عسل وملعقة زبدة ذايبة ونرشو بالقليل من ماء الزهر نخدمو كما الكسكس لازم يكون كل حبة وحدها

نفتح ورق الفيلو نأخذ ورقتين ندهنهم بالزبدة الذايبة ونحط العود لي نبرم بيه انا خدملي زوجي هذي الخشبة ولكن تقدرو ديرو اربع من اعواد الشواء وتغلفوهم بالفلم الغذائي وتتحصلو على نتيجة مرضية

نحط العود الخشبي ونبعدو على طرف الورقة باربعة سنتمتر ونطوي عليه الورقة ثم نحط الحشو ونبدا نبرم فيها ما نزيرهاش بزاف

نكمشها شوي ونحطها في بلاطو مع سحب العود بشوي نكمل بنفس الطريقة حتى نخلص الكمية لي عندي انا ماكثرتش درت اربعة فقط

ندهنها مليح بالزبدة الذايبة ونقسمها كما نحب صغيرة ولا كبيرة وندخلها الفرن تطيب اي تستوي حتى تتحمر مليح نخرجها وهي سخونة نسقيها بالعسل البارد وما يكون فيه حتى اضافات

ونخليها تشرب عسلها وتقدم بالصحة والعافية