نحضر المكونات ونشعل الفرن يسخن على درجة حرارة 180، نفتح العجينة نأخذ ورقتين ونرجع الباقي فالكيس باه ما تيبسش لعجينة،

ندهن الورقة الأولى بالزبدة ونحط فوقها الورقة الثانية وندهنها نطوي الجهة لي أمامي قليلا ونرش المكسرات المطحونة على كامل العجينة ونحط عود خشب يكون طويل فوق الحافة لي أمامي ونلف إلى آخر العجينة،

ثم نكمشها مليح بضم الجهتين للوسط ثم نسحب العود الخشبي ونحطها في مول او بلاطو لازم يكون قد الحربوش باه ما يتحلوش التكميشات كي يعود يطيب (يستوي) وهكذا حتى نكمل ندهنها كاملة بالزبدة

ونقطعها لحبات متساوية ونحطها تطيب اي تستوي من تحت ومن فوق ونعسلها مباشرة بعسل بلاما نضيفلو اي شيء،

نخليها تبرد مليح وتتشرب ونقدمها.