نحمر البصل في زيت غزير حتى يتحمر لونه ويصير مقرمش بعدها نرفعه من على الغاز و نخليه على جنب يبرد

و بعدها نقلي البطاطامن يستوي نشيله على جنب يبرد

في قدر لتحميسه نضيف الزيت الدجاج ورق الكاري نص الكميه كزبرة نص الكميه و بقدونس نص الكميه حبات الطماطم كلها الثوم و الزنجبيل كله البصل المقرمش نص الكميه و الفلفل الحار و 6 حبات روب و عصرة ليمونه كامله البهارات كلها فنجان حليب جوز الهند و نسكر الجدر نخليها على نار وصط تنطبخ كلها مع بعض مع التحريك بين فترا و فترا ملاحظه لازم الدجاج ماينشف منه الصوص اذا حسيتو انه نشف ضيفو حليب جوز الهند زياده والي مايحبون جوز الهند ضيفو حليب عادي

في قدر للعيش نضيف ماء و البهارات الخشنه ملح حسب الرغبه من يغلي الماء او يسخن نضيف العيش حتى يستوي العيش لازم يكون حب منثور مب مهروس

بعد ما ينطبخ الدجاج نشل نصف الكميه و نخليها على صوب نضيف نصف كمية العيش ونضيف من البصل المقلي رشه فوق الدجاج و نرجع العيش الى شلنه على صوب و نضيفه فوق الدجاج و بعدها نرجع كمية العيش الى شلناه على صوب ونضيف العيش الى شلناه نرش عليه ماء الهيل نسكر الجدر و نخليه على نار هاديه يتبخر

في زيت غزير نحمر الكاجو و من يتحمر ونضيف النعناع و ورق الكاري نحمره تحميره خفيفه نشيله على صوب وقت التقديم في الصينيه نضيف الكزبرة و البقدونس الباقيه و البطاطاالمقليه و ورق الكاري و نعناع و الكاجو و بالعافيه عليكم

احلى برياني ممكن تاكلونه الطريقه هنديه 🔥🔥🔥