نحط كل المكونات ماعدا الفرينة (طحين) والخميرة الكيميائية ونخلطها بالخلاط الكهربائي او باليد جيداً حتى يصبح لدينا خليط كريمي نضيف الفرينة (طحين) بالتدريج مع الخميرة حتى نتحصل على عجينة طرية نقسمها كويرات نغطيها ونخليها ترتاح في الثلاجة،

نترك العجينة في الثلاجة (لانو لما نخلي العجينة على برة رايحة تطلق الزيت وخاصة إذا كان الجو حار ومن ما تجينيش الحلوة تاعي هشيشة كيما اي مثل لازم) ونخرج بالكويرة نحطها فوق كيس بلاستيكي ونغطي بيه ونفتح بالحلال

ونقطع بالطابع الخاص بالحلوة ونحطها في بلاطو مرشوش بالفرينة وهذا حتى نكمل كامل الكمية،

نحط الصابلي تاعي يطيب (يستوي) في فرن مسخن مسبقا على درجة حرارة 180 لما نخرجوها نخليه يبرد تماما باه نحيه يجي هشيش بزاف يتكسر،

لما يبرد الصابلي تاعي نلصقو بكريمة الزبدة (لي حضرناها من خلال خلط المكونات المذكورة أعلاه بالباتور جيداً حتى تطلع وتولي خفيفة نكهها بالنيسكافي واذا جاتك الكريمة شوي سايحة زيديلها سكر قلاصي ونخليها في الثلاجة حتى نحضر الصابلي) كما في الصوة نضغط بلعقل باه ما نكسرش الصابلي،

نحضر الغلاصاج باذابة الشوكولاتة على حمام مائي ونحضر غلاصاج الخطوط بخلط القليل من الماء مع السكر الناعم حتى الحصول على خليط ثقيل نحطو في كيس ونثقبو ثقب صغير ونحو جانبا، نأخذ حبة الصابلي نحطها فوق فرشيطة (شوكة) وناخذ الشوكولاتة بالملعقة ونسكب على الحبة

ونحركها باه تهبط كامل الشوكولاتة الزائدة وتتغطا الحبة مليح ونحطها فوق كيس بلاستيكي ونخليها تجمد من بعد نكملها التزيين كما هو في الصور ويبقى التزيين اختياري.