في جفنة نحط السكر والمرغرين ونخلط ثم نضيف البيض ونخدمو معاها ثم الزيت ونواصل المزج

نزيد الكاكاو والنشاء ونخلط جيداً ثم نلم بالفرينة ونحط معها الخميرة نلم للحصول على عجينة طرية ومتماسكة وما تلصقش في اليد

نشكل كويرات بوزن عشرين غرام نعمر الصينية تاعي ونحطو يطيب

كي يطيب (يستوي)نخليه حتى يبرد ونتلاح ليه لانو يتفتت بالخف وما تخفيش منو كي يتشقق راه كي يبرد يتلم وهذا سر نجاح الحلوى هذي خليها تبرد مليح باه نبدأ التزيين

نحط نصف كمية جوز الهند نحمصها على نار هادئة ومنخليهش يتحرق نحيه كي يبرد نخلطلو النصف المتبقي والكاكاو

في كاسرونة نحط العسل والمعجون والقليل من ماء الزهر ونحطها تسخن على النار باه تتجانس المكونات

نجيب الحلوى نغمسها في خليط العسل والمربى لي لازم يبقى ساخن وكي نشوفو برد نعاود نسخنو بعد ما نغمسها فيه نحطها في جوز الهند ونغلفها مليح ونكمل حتى نخلص