في جفنة نحط المرغرين والماء والزيت والسكر والفاني والملح ونخدمهم بالخلاط مليح

نلم بالفرينة للحصول على عجينة طرية وما تلصقش بلاما ننسى ملعقة الخميرة

نشكل العجينة كرات بوزن خمسة وعشرين غرام والحشو بوزن عشرة غرام

نهز كرة عجين نعملها حربوش ونبسطو شوي ثم نحلو بالحلال فوق كيس بلاستيكي ونزيد نهز الحشو نعملو حربوش ونحطو على العجينة

نلف العجينة على الحشو ونشكلو مع الضغط قليلا على الاطراف لازم الاطراف يكونو رقاق على المنتصف نجيب قارورة صغيرة او مغلاق تاع قارورة ونحطها وسط الحربوش ونشكل الهلال بالاستعانة بها

نحطهم في صينية الفرن نحطها تطيب اي تستوي من تحت ثم من فوق ما نمسهمش وهما سخونين لازم نخليه يبرد مليح

نغطس الحبة في ماء الزهر ونحيها نقطرها ثم نديرها داخل كيس يكون فيه السكر الناعم ونخليهم وحد الربع ساعة ثم نحيهم (نبعدهم) نحيلهم السكر الزايد ونحطهم بجهة ثم نرشهم بالسكر باستعمال الصفاية

وهذا الشكل النهائي