قبل بيوم بنقطع صدر الدجاج مكعبات كبيرة بنجهز الصوص بنبرش البصلة وبنوضع بالوعاء الخل الأبيض واللبن والزيت ونصف كأس ليمون وملح وفلفل والبهارات متل كركم زنجبيل هيل ناعم كاري جوزة الطيب بهارات الشيش بهار مدخن فلفل أحمر وبنحركهن منيح حتى يتخلطوا وبنضيف عليهن صدر الدجاج مع التقليب حتى كلن يتشربو الخليط وبنغطيهن وعلى البراد ليلة كاملة

حتى أعواد الشوي الخشبية تنقع خمس ساعات على الأقل بالماء لتصبح صالحة للشوي

نضع في كل عود خشبي عدد من قطع الدجاج مع بصل أو فليفلة حسب الرغبة اختياري

بندخلهن على فرن محمى مسبقا على نار متوسطة حتى الاستواء

وبس تنتهي عملية الشوي بنشعل الفحمة على الغاز وبعدين مع المشاوي بنحط ورقة قصدير وبنحط فيا الفحمة مع رشة زيت زيتون فوقها وبنسكر الفرن عليها حتى تأخذ ريحة الشوي

وصحتين وعوافي